User Rating: 6.0/10 (2,769 votes)
Det kan ikkje bli meir forutsigbart enn dette. Det som gjer filmen grei å sjå er heller karakterane, eller dvs., dei er ikkje dei mest interessante dei heller, men iallfall ikkje så dustete som eg er van med frå denne type film. Som i «National Treasure», der var ikkje folka til å utstå!
Vurdering: 1 2 3 4 5 6 7 8 9 10
User Rating: 6.1/10 (1,004 votes)
«Jet Lag» er ein enkel film. Jean Reno spelar ein småforstyrra mann som i bunn og grunn berre treng ein solid pep-talk. Juliette spelar ei pen, ung kvinne som skal rømme frå noko.
Dei har begge problem altså, som er den utløysande årsaka til at dei passar så godt i lag. Det er ingen kjærleik ved første blikk, men kjærleik som vekst.
Vurdering: 1 2 3 4 5 6 7 8 9 10
User Rating: 7.4/10 (1,248 votes)
Min favorittsjanger. Satt litt tilbake i tid, med koseleg musikk og ei enkel, avslappande historie. Om jenter, og om livskunnskap. Den beste delen av filmen er starten, før dei hentar bilen og legg ut på reisa mot Tyrkia. Sant og seiast så likte eg slutten dårleg. Eg hadde foretrukke om Momo hadde blitt med heim igjen, og møtt Myriam. Men den gong ei, det får gå for denne gong, filmen var elles god.
Vurdering: 1 2 3 4 5 6 7 8 9 10
User Rating: 6.2/10 (1,853 votes)
Nokon folk vil nok tykkje ein film som denne er kjedeleg og sær, men eg likte den. Robin Williams er ein mann eg forbind med Insomnia, One Hour Photo og Good Will Hunting. Mange vil nok heller kjenne han igjen frå dårlege familiekomediar, noko eg prøver å gløyme at han har spelt i.
Likevel om dette er ein sci-fi film så har dei klart å halde tilbake med hightech utstyr. Dei har gitt datamaskinene, eller redigeringsutstyret, trepanel så det får ein retrostil lik møblar frå 1960- og 1970-talet. Eit smart trekk for å gi filmen lengre levetid. Ikkje det at War Games har blitt dårlegare då, men likevel.
Tanken om at ein mann vil spole seg gjennom alt ein person har gjort i livet sitt er på ein måte ekkelt. Frå dei første barnestega via første samleie og kanskje gjennom ei valdtekt eller to av noko, før personen drep nokon? På ein anna måte er det interessant å følge eit menneske slik, men det ligg jo i menneskets natur å vere nysgjerrige på korleis andre folk lever.
Vurdering: 1 2 3 4 5 6 7 8 9 10
User Rating: 6.6/10 (12,575 votes)
Ein fin kandidat til topplista på movie-mistakes kanskje, men definitivt ingen nominasjonar for beste skodespelar eller handling her. Ein typisk actionadventure film, som det er meint å vere, men den gode Indiana Jones-stemninga er ikkje tilstades. Og Nicolas Cage, eg har ingenting i mot fyren, men eg likar han ikkje. Einaste filmen eg nokon gong har sett han gjere ei god rolle i, er Adaptation.
For å vri på eit typisk politutsagn: «Please stay away from the movie, there’s nothing to see here!»
Vurdering: 1 2 3 4 5 6 7 8 9 10
25 episodar.
Etter å ha svippa innom deler av sesong 3 kom eg tilbake til denne og fekk avslutta den. Det eg sit igjen med er ei spesiell kjensle. Det var ingen ultimat cliffhanger-episode. Men serien går tydeleg gjennom forandringar. J.D. får seg eige leiligheit. Elliot ny jobb. Turk og Carla planlegg å få unge.
Episoden kunne ha vore morsommare, men det virka som dei har valt å gi den eit meir seriøst preg. Men resten av sesongen (viss eg har klart å skilje den og sesong 3 godt nok) har vore full av humor og kjempemykjemasse verdt tiden!
22 episodar.
Opprinneleg opna eg posten her med å stille meg sjølv spørsmålet om kvifor den siste episoden vart kalla «Leave It to Beaver». Etter å ha sett sesong 2 har det gått opp for meg.
Tilbake til fortiden, og sesongavslutninga. Jøssesemegen for ein god episode, og eg må få åtvare mot spoilers vidare i posten, her blir det avslørignar av hemmelegheitar i fleng. Etter å ha gått sidan i haust og venta på svar på litt av kvart, er no så mange av brikkene på plass at eg kan henge pusespelet på veggen.
Mordaren var ikkje den eg tenkte det kunne vere i heile tatt. Avsløringa her er ein viktig del av episoden. Men andre ting tek plass her og. Det at Keith faktisk er den ekte faren til Veronica, noko som betyr at Veronica ikkje er Duncan si søster, det føles godt å vite. Serien hadde ikkje hatt råd til å misse Keith i sin posisjon. Her er også ein liten cliffhanger når det gjeld mora til Veronica, som tek pengane Keith/Veronica tente på å finne Duncan.
Mot slutten av episoden er det nokon som bankar på døra til Veronica. Og når ho opnar døra og ser kven det er, noko me ikkje gjer, så seier ho «I hoped it was you». Så, kven var dette? Eg gjettar Wallace, men det kan vere Lilly? Kanskje Veronica har blitt gal? Eller det kan vere Duncan eller Logan.
Etter episoden er nok ikkje Kane-familien ein så viktig del av serien. Eg veit rett og slett ikkje kva som vil bli viktig utover, neste sesong vil kanskje innhalde ei rettsak mot Aaron Echolls, ein mindre leiteaksjon etter Veronicas mor. I tillegg treng Veronica ein ny kjærast, for kjærleiken er viktig! Så lenge det ikkje blir såpete.
For dei som ikkje har sett «Veronica Mars», og likevel lest dette, så vil eg anbefale å få hand på serien på ein eller anna måte, ved å sjå reprisar eller kjøpe DVDen etter kvart.
User Rating: 5.9/10 (7,791 votes)
Ikkje dårleg, men heller ikkje god. Dette var det første eg las om filmen på IMDb, og eg synst det passa godt nok til å kopiere det inn her. Det som er kult er at så mange kjente folk har gitt stemme til fiskande, Robert De Niro f.eks. Men historien er skikkeleg tam. Animasjonen er ikkje spesielt revolusjonerande, og eg håpar ikkje filmens einaste grunnlag var at den skulle vere animert. For då mislykkast den.
Overtydeleg moralisering er eit anna problem med slike barnefilmar. Ikkje forstå meg feil, moral er ein god ting. Men når det blir servert på teskei, så blir det berre idiotisk. Og greia med at folka har skapt ansiktstrekka til fiskane i stil med folka som har stemmene blir berre rart når filmen blir dubba. Meininga blir borte vekk med det. Kanskje barn ikkje ville brydd seg, men det einaste eg i såfall interesserte meg for når eg såg filmen, ville ha blitt borte om eg hadde blitt servert ein dubba versjon.
Vurdering: 1 2 3 4 5 6 7 8 9 10
User Rating: 6.7/10 (14,782 votes)
Sidan eg tok meg tid til å finne ut så mykje som at dette var ein pokerfilm, har eg sett fram til å sjå den. Det er kanskje 2 år sidan, men eg har aldri gått så langt som å kjøpe denne, så det har teke si tid. Tingen med filmen er at den ikkje er så veldig mykje prega av lande stunder med pokerspeling, men meir bygd opp rundt ei historie om nokre som skal skaffe pengar til å kjøpe seg inn i eit stort spel.
Mel Gibson gjer ein fin jobb som Bret Maverick, og står som eit godt eksempel på kva rollar eg likar å sjå Mel Gibson i. Jodie Foster er ikkje favorittskodespelarinna mi, men som Mrs. Bransford er no nesten søt. Men så er jo Maverick over 10 år gammal.
Filmen er som ein westernkomedie skal vere, innhaldsrik på ulike karakterar, og elles full i fart og spenning.
Vurdering: 1 2 3 4 5 6 7 8 9 10
User Rating: 8.7/10 (61,878 votes)
Det finst meir enn ein grunn til å sjå denne klassikaren. Min første grunn var den høge IMDb-ratingen, den andre grunnen var at filmen har sin plass i boka «1001 filmer du må se før du dør», og den tredje grunnen var at gode venner av meg anbefalte den.
Eg har prøvd før å sjå filmen. Sist gong var vel for cirka 2 år sidan, men gav opp veldig tidleg. Den gongen hadde eg ikkje underteksting, og det meste gjekk meg hus forbi. No hadde eg sjansen å sjå filmen med teksting, så eg fekk faktisk med med ting, og det var ikkje verst. Kulissene har sin sjarm, historien er veldig god, 2 timar var akkurat passe lengde. Alt fall likssom på plass.
Svart/kvitt filmar kan skremme mange, meg og innimellom. Av dei svart/kvitt filmane eg faktisk har sett, så må dette vere ein av dei betre. Saman med filmar som «Casablanca» og «The Man Who Wasn’t There. Du kan skjønne at eg ikkje har sett så mange.
Eg er litt usikker på om eg fekk med meg heilheita i filmen korrekt. Den handlar om ei slags uskuldig griskheit, og ein søken mot noko ein aldri kan få? Rosebud er det her, og sidan det blei teken frå han i så ung alder har han alltid jobba hardt for å få mest mogleg, som skal vege opp for tapet?
Vurdering: 1 2 3 4 5 6 7 8 9 10
(0 hittil)