User Rating: 6.9/10 (181 votes)

Konserten

Herleg konsert, ein av dei beste eg har sett på DVD. I tillegg til at Beastie Boys puttar på eit godt show gjer det faktum at konserten og ting som skjer undervegs har blitt tatt opp med 50 håndholdte kamera, pluss overvåkingskamera og nokre meir profesjonelle her og der at ein får kjensla av å vere tilstades. Eit surroundspor gir god lyd både framme og bak, og gir den bootleg-aktige videokvaliteten eit dytt til det betre. Klyppinga er hyppig, men ikkje slitsom. Effektane er enkle, og like dei som er brukt i musikkvideoane til Beastie Boys, kul sak. Musikken er ingenting å utsette på, eg er stor fan. For alle andre bør det også vere ein god video. Veldig originalt opplegg iallfall, eg føler eg har lyst å sjå den igjen veldig snart. Anbefalast.

A Day In the Life of Nathanial Hörnblowér

Tulledokumentar med David Cross som Nathanial Hörnblowér, likssom-regissøren til konsertvideoen. Den perfekte castinga med tanke på David Cross må eg sei, ein av favorittane mine når det kjem til slike tullerollar. Han var dessutan ein av dei beste skodespelarane i «Arrested Development», men det er ei anna sak. Her spelte han ein sveitsar på ski og fylla i New York gater. Ein må-sjå ting for dei som har kjøpt DVDen.

Show Intros

Samling med introvideoar som sikkert nok er brukte på storskjerm før konsertane holdt. Opptak frå Australia, dårleg morosamt.

Never Stop Rapping Yet

Ord frå fans frå heile verden, samt frå Beastie Boys og crewet sjølv, utkledd som fans eller som seg sjølv. Ei god samling med originale folk, men i seg sjølv ei passe meiningslaus greie. Også er Jack Black med her og, artig! Eg sa meiningslaust, men likevel bra!

Enter Jerome Crooks’ Angry World

Tour manageren til Beastie Boys er sur, irritert, engasjert, whatever. Fin kompilasjon av episodar.

Shazam! Melee

Ulike versjonar av songen frå «To the 5 Boroughs»-albumet.

BBQ Cook-Off TV Pilot

For hardbarka fans, sjølv hoppa eg over dette 26 minuttars lange liksom-tv-programmet om grilling.

Vurdering: 1 2 3 4 5 6 7 8 9 10