Babel (2006)
User Rating: 7.9/10 (4,438 votes)
«Babel» hadde noregspremiere på fredag, men situasjonen gjorde at eg ikkje fekk sett den før i går. Med eit publikum som hadde forma eit kross i seteplassering var det berre å pine seg gjennom nokre obligatoriske minuttar trønderreklame før filmen byrja.
Regissøren Alejandro González Iñárritu er nok mest kjent for filmane «Amores perros» og «21 Grams». Sistnemnte, som eg har sett, gjorde ikkje noko spesielt inntrykk på meg, og eg kan ikkje hugse at eg likte filmen ein gong. Men etter å ha sett «Babel» kan eg gjerne sette meg ned og prøve igjen.
Denne 3. filmen av Iñárritu som på ein eller anna måte flettar inn ei ulykke i filmen, som er delt i 4 deler, er hittil den beste kinoopplevelsen eg har hatt i år. «Borat» var også god, men på ein anna måte. «Babel» hadde kraftfull filmmusikk og nydelege bilder, mildt sagt fantastisk filmografi. Og det skar i sjela mi å merke at lydanlegget i kinosalen ikkje takla dei mest nærgåande augneblikka.
Dei 4 delene filmen er satt saman av er alle knytta ihop på ein eller anna måte, utan at ein skal legge for mykje i å finne ut av det. Reint kronologisk foregår det heller ikkje, men «Babel» treff godt på skiva i sitt forsøk. Me følger ekteparet Jones på busstur i Marokko, to unge gjetarar - også i Marokko, ei meksikansk barnepassar med to barn sør-vest i USA og ei ung japansk jente i Tokyo. Det som eg synst gjer filmen så bra er kulturskildringane, og det er med handa på hjarte eg kan sei at det er ein av dei beste skildringane av japansk ungdomskultur eg har sett på film. Kontrasten mot Marokko er stor, men ikkje heile vegen. Det går igjen at uansett kor ein er i verden, så har alltid menneske nokon likheiter.
Tragedie er også ein raud tråd i filmen. Som «Filmspotting» påpeikar, så er drar Iñárritu det ganske langt. Og spesielt familien Jones får gjennomgå. Men dette er jo film, og likevel om eg tenkte over dette så gjorde det meg ingenting når eg såg filmen.
Konklusjonen min, om eg skal lage ein, er at dette var overraska bra. Forventingane mine var låge, og eg klarte ikkje å forestille meg anna enn at det kunne bli litt kjedeleg. Dårleg innstilling før ein film, eg veit. Men dette var ein knallgod film som eg knapt har skrapt overflata på her i denne anmeldelse-liknande-saken.
Vurdering: 1 2 3 4 5 6 7 8 9 10
hmm.. jeg har hørt noe om at babel er film nr 2 i en handlingsserie, om du skjønner hva jeg mener?? kan du bekrefte dette? har prøvd å søke og finne ut hva 1′ern kan være, men greier ikke å finne det. men det skal visstnok være en klar parallell..
Har ikkje høyrt om dette. Babel har likheitstrekk med Amores Perros, ein tidlegare film av Alejandro González Iñárritu, men har ikkje lese at dei er del av ein handlingsserie som du kallar det.
Om du tek på deg bryet så vil eg anbefale deg å lage ein brukarkonto på http://forum.filmantrop.net/ og spørje der.
Det er vel ikke direkte en handlingsserie, nei, men som ness her nevner er Babel nr. 3 i det som er blitt omtalt som en trilogi fra Iñárritus side: Først Amores perros (2000), deretter 21 Grams (2003) og til slutt Babel (2006).