3 episodar.

Joss Whedons sjølvfinansierte webserie blei sendt gratis på internett i ein begrensa periode, andre halvdel i juli. Fortvil derimot ikkje om du gjekk glipp av den, serien kan kjøpast frå iTunes og er såleis ikkje heilt fjerna frå vidare sjåing.

I hovudrollen som Dr. Horrible finn me Neil Patrick Harris, ein av mine favorittskodespelarar på tv-fronten for tiden som til vanleg gjer ei formidal rolle som Barney i «How I Met Your Mother». Dr. Horrible har som mål å bli med i The League of Evil og må bevise for gruppas onde leiar, Bad Horse, at han har det som skal til for dette. Samtidig er privatlivet hans prega av at han er forelska i søte Penny frå sjølvbeteningsvaskeriet. Å utføre Den Store Onde Gjerninga er ikkje så lett når Captain Hammer, byens superhelt og redningsmann, alltid står i vegen.

Dette er handlinga kort fortalt, i all enkelheit litt … enkel, men det skal ikkje mangle på sjarm og ikkje minst gode songnummer, for dette er ein musikal. Visse trekk leiar dette mot ein amatørproduksjon, men ved eit nærare blikk er det ingen tvil om at dette er gjort av profesjonelle. Gjennom det enkle plottet skin også ei meir alvorleg historie som utover serien blir det som held dette oppe.

I det minste artig for fans av Whedon og ev. skodespelarane Neil Patrick Harris og/eller Nathan Fillion, godeste Captain Malcom Reynolds frå «Firefly», men sikkert til glede for andre også.