Wasted (2006)
Dette relativt ukjent amerikanske dramaet frå 2006 handlar om livet i ein småby som blir gjenopplevd av den utflytta collegestudenten Mitch i forbindelse med ei graverd av ein tidlegare kamerat. Kip Pardue som spelar Mitch er, som ingen andre filmen heller, nokon distinkt hovudrolleinnehavar, han deler det å vere filmens senter med dei andre, tidlegare kameratane sine, spelt av Eddie Kaye Thomas («American Pie») og Josh Cooke («Committed»), men vinklinga mot historien føregår i stor del frå ein synsvinkel som kan opplevast som Mitch sin.
Her har me tre stykker som i lag er det klassiske eksempelet på venner som har vakse i frå kvarandre, men likevel søker tilbake som gruppe då deira felles venn har døydd, på bakgrunn av at det ikkje ligg nokon krav eller forvetningar i typen vennskap dei har. Ungdomslivet i småbyen har sidan dei gjekk på highschool blitt veldig avslappa i forhold til narkotika og dette er ein av mange små problem filmen sirklar innom over langhelga handlinga føregår gjennom. Elles ser filmen ut til å ha som mål å la oss bli kjente med karakterane og deira kvardagsproblem.
«Wasted» lykkast ikkje i å skape det store engasjementet, men køyrer på kanten mellom å vere kjedeleg og skape noko flott og nedtona. Den har ein mørk undertone som blir henta fram i blant til filmens fordel, småbyen blir flott framstilt som eit dødt miljø utan særleg potensiale for ungdommen. Når det gjeld personane og relasjonane dei i mellom manglar det derimot svært mykje for å gjere dette verdt pengane, sjølv om skodespelarane i blant kan glimte til med gode eigenprestasjonar. Resultatet er ein anonym film midt på treet. Kanskje dette er årsaken til at kinovising har uteblitt og det har teke så lang tid før filmen kom ut på disc.
Vurdering: 1 2 3 4 5 6 7 8 9 10