Dei tre siste dagane har eg lista opp det beste sett i 2011. Det er på tide å sjå framover i 2012 og alt det nye som kjem. Mange store titlar er allereie klare, og forventingane er høge til desse.
I løpet av sju år med Filmdagbok har eg aldri laga ei slik liste. Det blir spennande å sjå kor mange av titlane som vil dukke opp på topplista om eit år. Desse ti filmane er henta ut av ei liste på rundt tretti som eg har. 2012 kan vise seg å bli eit spennande år med originale sci-fi-filmar. Og eit år der mange kjente regissørar gjer comeback.
- Antiviral. Brandon Cronenberg er sonen til David Cronenberg. Antiviral er debutfilmen hans og handlar om eit dødeleg virus. Det kan bli bra. (Det kan òg Cosmopolis bli, den nye filmen til faren).
- Moonrise Kingdom. Wes Anderson sin første live-action film på fem år. Eit stjernespekka galleri, mellom anna Bruce Willis og Bill Murray. Uansett handling er dette noko eg ser fram til.
- The Hobbit: An Unexpected Journey. Neste års store julefilm blir Tolkiens The Hobbit, filmatisert av Peter Jackson. Videobloggar og første trailer har allereie bygd opp skyhøge forventingar.
- American Pie: High School Reunion. Trettan år etter American Pie og ni år etter American Wedding er gjengen samla nok ein gong. Eg vaks opp med filmane og har sett dei utallige gonger.
- Looper. Det har vore stille rundt Rian Johnson i nokre år. Sidan The Brothers Bloom i 2008 har Brick-regissøren latt langfilmane vente på seg. Med Looper angrip han sci-fi-sjangeren, og Devin Faraci hjå Badass Digest har allereie skrytt ein uferdig versjon opp i skyene.
- Fuck Up. Gjengen frå den norske TV-serien Dag står både bak og framfor kamera i Fuck Up. Som stor fan av Dag er dette ei god nyheit. Traileren lovar også godt.
- Cabin in the Woods. Det blir sagt om Cabin in the Woods at Joss Whedon har gitt horror-sjangeren eit nytt løft. Filmen har allereie gått på festivalar, men kjem ikkje på kino før neste år.
- Jeff Who Lives at Home. Brørne Jay og Mark Duplass har fått med seg Jason Segel i denne komedien. Duplass-brørne er mest kjent for Cyrus som kom i 2010, men har laga fleire gode budsjettkomediar.
- Chronicle. Ein film eg veit lite om, men som lokkar med ei historie om ungdommar med superkrefter. Ting vil gå galt.
- Gravity. Children of Men-regissør Alfonso Cuarón skal lage sci-fi med George Clooney og Sandra Bullock. Eg har sansen for Children of Men, sci-fi og Sandra Bullock.
Filmdagbok presenterer tre lister med favorittane i løpet av 2011. Du kan lese alle listene på beste film 2011 etter 3. januar 2012.
Dett er lista over dei beste filmane eg såg i 2011, som kom i 2010 eller tidlegare. Rekkjefølgja er kronologisk etter dato filmane blei sett.
Filmdagbok presenterer tre lister med favorittane i løpet av 2011. Du kan lese alle listene på beste film 2011 etter 3. januar 2012.
I 2011 har eg sett mykje god film. Det beste av det beste er no samla i to lister. Det er ei liste med filmar som kom i 2011, og det er ei liste med andre gode filmar eg har sett i 2011.
I denne lista er det filmar frå 2011. Lista er sortert i alfabetisk rekkjefølgje. At ein film var betre enn alle dei andre hadde forsåvidt vore greitt, men å rangere ti forskjellige filmar blir eit mas. På Filmdagbok likar vi (les: eg) ikkje mas.
- Atlas Shrugged: Part I (2011) leverte ei god oppbygging til det som er ein tenkt trilogi. Framtida er derimot usikker, då filmen fekk dårlege salstal.. Eg lot meg derimot begeistre.
- Batman: Year One (Video 2011) er den beste, nye animasjonsfilmen eg har sett i 2011. Det er omtrent så bra som Batman og DC Universe Original Animated Movies kan bli.
- Bridesmaids (2011) kunne eg tenke meg å sjå igjen før han var ferdig. Med rett manus viser filmen at jentekomedie også kan vere vulgære og morosame. Samtidig har filmen hjerte, og Kristen Wiig.
- Drive (2011) vil hamne på mange topplister, og ikkje utan grunn. Nicolas Winding Refn har bakt ei kake full av spenning, og kaker er gode greier.
- Hanna (2011) er min favorittfilm for 2011. Sterkt drama og feit vald, hand i hand. Saoirse Ronan får utfolde seg i regissør Joe Wright sitt nærvere, og resultatet er elektrisk. Forøvrig ein av mine favorittregissørar.
- Midnight in Paris (2011) var årets film frå Woody Allen. Endå ein av mine favorittregissørar, men det betyr ikkje gratisbillett på topplista. Filmen er nok årets beste romantiske komedie.
- Rise of the Planet of the Apes (2011) lurer seg såvidt inn på lista. Eg er svak for Planet of the Apes-serien, og dette var den beste blockbusteren i sommar.
- Source Code (2011). Actionthriller og sci-fi i frisk drakt. Spennande og original.
- The Lincoln Lawyer (2011) var eit fornuftig filmval av Matthew McConaughey. Ein mann som heller er kjent for forutsigbare, romantiske komediar. Her
- Win Win (2011) var ein film som gradvis vart betre og betre utover. Ei fin blanding mellom drama og komedie, og eit godt manus.
Filmdagbok presenterer tre lister med favorittane i løpet av 2011. Du kan lese alle listene på beste film 2011 etter 3. januar 2012.
I 2011 har eg sett mykje god TV. Det beste av det beste er no samla i ei liste. I lista har eg delt inn i sesongar. Det finst seriar som leverer ein knallsterk førstesesong, og det finst seriar som blir betre utover. Inndelinga i sesongar hjelp difor til å sortere ut det beste. Og difor blir lista betre. Lista er ikkje avgrensa til innhald som er blitt produsert i 2011. Likevel er det mykje nytt. Dei fleste seriane eg har sett i løpet av året har vore nye sesongar av faste seriar.
- Boss sesong 1. Kelsey Grammer er borgarmeister i Chicago i denne fortreffelege Starz-serien. Den politiske arenaen er senter for eit drama med mange mørke sider. Serien styrer unna politisk debatt, og utmerkar seg heller på framstillinga av det politiske spelet.
- Bored to Death sesong 3. Tredje sesong av HBO-serien har fått til ein god dynamikk mellom seriens tre sentrale personar. Rolla til kvar enkelt har òg blitt tydelegare. Humoren er framleis på plass. Sesongen er diverre altfor kort.
- Dag sesong 1. Årets beste komedie. Vekslinga mellom mørk komedie og romantikk ser ut til å vere greia for meg, og serien er god på nettopp dette. Og så er sesong 2 er omtrent like god.
- Breaking Bad sesong 4. Denne serien blir aldri dårlegare. Det skjer stadig nye ting. Karakterane utviklar seg endå. Serien overraskar.
- Game of Thrones sesong 1. Dette er god TV. Her er ein serie som set krav til at ein heng med på det som blir sagt og gjort. Utbytte blir då stort. Produksjonskvaliteten matchar det gode manuset. Ingen grunn til å stille spørsmål omkring suksessen.
- Boardwalk Empire sesong 2. Begeistringa for denne har stige. Eg kom aldri inn i første sesong, men andre er klart listemateriale. Framdrifta og konfliktane har blitt tydelegare.
- Blue Mountain State sesong 1. Pur moro. Både første og andre sesong leverer kompakte sett med episodar som går ned på høgkant. Det er barnsleg, mykje skitten humor og utan ei djupare meining. Men timinga ligg i fingerspissane og gjer serien god på sitt
- Parks and Recreation sesong 2. I andre sesong har serien framleis ny giv, karakterane er etablerte og kjemien sit som støypt mellom dei. Det er først her personar som Ron Swanson blomstrar for fullt. Den underfundige humoren har komme på plass.
- Koselig med peis sesong 1. Mørk og dramatisk, men samtidig så god på humor. Noreg sitt svar på danske Riget, men utan mystikken? Dyktige folk formidlar eit dyktig manus.
- Smallville sesong 10 er siste sesong i serien. Sesongen blir brukt til å runde av, og det skjer på ein verdig måte. Serien får fleire besøk frå fortida, og ein nostalgi-trip er ikkje feil.
Dette er ei påminning om at det blir julekalender i år. Om ei veke, frå og med 1. desember til og med 24. desember vil det komme daglege innlegg om julefilmar på Filmdagbok. Lukene vil bli opna kl. 09.00 og det blir ein variasjon av fullblods julefilmar og filmar som i mindre grad har integrert jula i handling eller historie. Kalenderen vil kunne følgjast på Facebook, Twitter og som RSS frå bloggen.
Julekalenderen er ei vidareføring av initiativet frå 2009. Dei 24 julefilmane som eg skreiv om då er alle merka julekalender 2009.
Det blir julekalender i år. Om ein månad, frå og med 1. desember til og med 24. desember vil det komme daglege innlegg om julefilmar på Filmdagbok, akkurat som lukene i ein julekalender. Lukene vil bli opna kl. 09.00 og det blir ein variasjon av nytt og gammalt, kjent og ukjent, tradisjonelt og utradisjonelt.
Filmdagbok hadde julekalender i 2009 med same oppskrift, og dei 24 julefilmane som eg skreiv om då er alle merka julekalender 2009. Eg vil anbefale å sjå gjennom lista, for ingen av filmane vil dukke opp i årets julekalender.
The Walking Dead kom tilbake på skjermen i USA den 16. oktober. I anledning sesongpremieren for andre runde har eg sett saman ei liste med zombie-filmar. Ei veke mellom kvar episode er litt for lenge å gå utan nye døde på skjermen.
Zombie-film er så mangt. Komedie, splatter, voodoo, satire, samfunnskritikk, skrekk og så vidare. Blant dei mange titlane som finst er ein del som er bra og dessverre mykje som er mindre bra. Formålet med dette innlegget var å hente fram ti filmar som er verdt å sjå. Eg har prioritert mangfald og unngår å rangere filmane denne gangen.
Lista har ei lita overvekt av filmar som er laga etter år 2000, og merkverdig mange innslag frå 1985. At alt på lista er laga etter 1978 betyr ikkje at det ikkje finst gode zombie-filmar frå før 1978. Kjennskapen min til eldre filmar på dette feltet er dårleg og dei få eg har sett når ikkje opp denne gangen.
Det er mange tillegg eg har lyst å anbefale. Resident Evil-filmane (Wikipedia) for dei som er ekstra glad i action. Gates of Hell-trilogien (Filmdagbok) for dei som vil ha mystikk og få zombiar. Norske Død snø frå 2009 (Filmdagbok) som det norsk bidraget som ikkje kom inn på lista. Fido frå 2006 (Filmdagbok) er òg eit humoristisk innslag som har fått god omtale.
Filmdagbok har fått eit nytt tema, men beheld dei same funksjonane. Tema er tilpassa normalt store dataskjermar, og planen er å legge funksjonalitet for å tilpasse lesebrett og smarte telefonar med minst 320px breidde etter kvart.
Per dags dato er tema i hovudsak testa i Google Chrome, så rettingar og tilpassingar kjem fortløpande. Alle sider er ikkje rydda, all kode er ikkje optimalisert. Tema er likevel teke i bruk då det er tilnærma ferdig.
Kort om tema:
Tema har fått namnet Central Logo Theme, er bygd på mitt førre tema Cyan (der koden var bygd på White as Milk). Framsida på tema er sterkt inspirert av Yoko i sitt trekolonners oppsett.
Kort om funskjonar og innstikk:
Funksjonen Dimox Breadcrumbs er brukt til navigeringslinja under logoen. Innstikket WP Movie Ratings er brukt til filmlista i høgre sidekolonne og på eiga side. Innstikka WP-PageNavi og Wp Pagenavi Style er brukt til sidenavigeringa på botnen. I bakgrunnen køyrer innstikka Akismet og WP to Twitter.
Det er 7 år og 3 dagar sidan Filmdagbok byrja som ein privat filmjournal på domenet filmdagbok.blogspot.com, og sidan den gongen er det berre ein månad der drifta har stått heilt i ro. Trass i mindre aktive periodar og ei nesten-nedlegging er Filmdagbok framleis oppe og går.
1841 innlegg av varierande lengde og kvalitet viser statistikken. Besøkarstatistikken sidan 2006 tel 120.000 page loads, 73.000 unique visitors, 62.000 first time visitors og 11.000 returning visitors. Desse tala betyr i grunn ikkje så mykje frå eller til, og om dei gir noko verdifullt bilde av besøkarane er òg usikkert. At nokon få finn vegen tilbake innimellom, så er det kjekt nok.
Takk for 7 år. Eg held fram, utan å spekulere i aktivitetsnivå eller noko som helst.
Første runde av Tordendomen VI er i gong på fusblogg.com. Gå dit og stem over den beste filmen Fred Ut har sett i år.
Reglane er enkle, dette er cup, og kvar duell har berre ein vinnar. Stemming gå føre seg i kommentarfeltet. I første omgang er det fire innleiande rundar med dei 64 filmane som er med i år.
Så er det Tordendomen FAQ for den som lurer på meir.
