IMDb: 8.5/10 (16,787 votes)

Den siste filmen før eg hoppar eit lite stykke ned på lista og ser den siste IMDb top 250 for denne gong, var ingen ringare enn John Huston sitt eventyrwestern med Humphrey Bogart, Tim Holt og senior Huston, Johns far Walter Huston.

Tre fattige dagdrivarar møtes i ein by i nordre Mexico, sler seg saman og reiser ut i villmarka for å finne gull. To ferskingar i følge med ein eldre, erfaren gullgravar. Under ekspedisjonen møter dei vanskelege hindringar, både fysiske og mentale.

«The Treasure of the Sierra Madre handlar om eit enkelt gulleventyr frå start til slutt. Gjennomført på elegant vis klarar heile filmen å halde interessa eller spenninga oppe, då hindringa er av svært ulik karakter.

Det skadar heller ikkje å ha skodespelarar i topp klasse med seg på laget, som kvar får utdelt ein psyke ein berre finn i filmar som kombinerar godt manus med ein god regissør til å hente ut skodespelarane sitt potensiale.

Eg storkoste meg gjennom filmen. Kanskje er den ikkje den mest typiske westernfilmen, eller så er det mine kunnskapar og erfaringar med sjangeren som er begrensa, dette slo iallfall i gjennom her. Eg kan godt tenke meg å sjå fleire filmar lik denne.

Vurdering: 1 2 3 4 5 6 7 8 9 10

IMDb: 6.8/10 (19,951 votes)

I jakta på eit sentimentalt drama snubla eg gjennom det lange, blonde håret til Brad Pitt og tørka eit par tårer i same slengen. Dette er 2 timar med trist, dog nydeleg historie.

Anthony Hopkins var allereie i 1994 gammal nok til å få spele den avdanka løytnanten Ludlow, far til tre søner, viss tragedie på tragedie vil bli presantert for. «Legends of the Fall» føregår rundt, då spesielt etter 1. verdskrig, der både liv blir tekne og kjærleik kjempa for.

Det føles kjent, med nok filmmusikk til å fylle to CD-ar og eit mannshjart. Store og modige menn i fleng og nydeleg landskap er nokre av dei andre ingrediensane. Sånn omkring det eg var på jakt etter denne dagen altså. Men mykje av filmen går rett forbi i sin trang til å gjere alt så overdådig og megasentimentalt (!), her ligg filmen si svakheit. Når den har runda 80-90 minutt byrja kroppen å verke etter å røre seg, og tankane gjekk både hit og dit.

Forutan små svakheiter så føles dette som ein skikkeleg godfilm, av den typen eg vil tenke tilbake på som både pen å sjå på og som rører. Det skal den ha, tross uoppfinnsom dramaoppskrift.

Vurdering: 1 2 3 4 5 6 7 8 9 10

IMDb: 7.5/10 (4,428 votes)

Ein lang westernfilm om ein bror som får eit val i å drepe den eldre broren sin for å redde den yngre. Med Guy Pearce og Ray Winstone, blant anna.

Brun skitten og brutal framstilling av lovens lange arm i Australia. Deira tankegang og metodar for å ta knekken på forbrytarar og valdelege innfødte.

Både lydsporet og manuset er gjort av Nick Cave og er utan tvil ein god jobb. Her fall derimot ikkje stilen til filmen heilt i smak. Western er ein sjanger eg har vanskeleg for å involvere meg i.

Vurdering: 1 2 3 4 5 6 7 8 9 10

IMDb: 7.7/10 (4,553 votes)

Ein god film på eit høgt nivå, men av den typen eg finn det vanskeleg å skrive så mykje om. Den får fram følelsar som hat og sinne, medlidenheit og ein heil del andre. Folka er av den typen ein ikkje stiller seg spørsmål om dei er bra eller dårleg tolka, fordi det enkelt nok er ganske godt. Barry Pepper har eit ansikt som osar av drittsekk, og Tommy Lee Jones gjer det overbevisande som ein autoritær person. Sjølvsagt er dei meir enn som så, for i ein film på dette nivået så held det ikkje med stereotypar.

i The Three Burials of Melquiades Estrada skjer det veldig mykje, og filmen har ei god utvikling. Både i tankane mine og på lerretet (les: PC-skjermen) var ein ved slutten milevis frå der ein befann seg i starten. Det var ikkje nokon sjanse til å bli lei av plassen eller handlinga her, og likevel blei det ikkje ei overfladisk surfing i hurtig tempo heller.

Vurdering: 1 2 3 4 5 6 7 8 9 10

IMDb: 7.0/10 (7,534 votes)

Ein fartsfyllt western med Kevin Kline, Kevin Costner og Danny Glover, blant anna. Men Scott Glenn kjem ut av det heile som den beste typiske revolvermannen. Musikken er etter min smak altfor overdådig, men det er klart den er med på å sette stemninga på rett spor. Ingen ting eg la spesielt merke til som utmerka seg med denne filmen likevel, og det var lenge uklart kva historien til folk var, noko som eg følte gjekk utover handlinga retta framover.

Vurdering: 1 2 3 4 5 6 7 8 9 10

IMDb: 8.1/10 (39,559 votes)

Eg kan sei det først som sist, eg er skuffa. Filmen er langdryg og roleg, men ikkje på den gode gamle Sergio Leone-måten. Den blir kjedeleg, og eg tykkje ikkje den fortjena posisjonen sin på IMDb top 250. Den er ikkje totalt bortkasta tid, og eg ser sjølvsagt eit par ting i filmen som eg kan forstå andre vil like, men i kveld var det sovemedisin, og det ville det nok ha vore i morgon og. Så eg får håpe eg ikkje vekker for mykje harnisk med å skrive …

Vurdering: 1 2 3 4 5 6 7 8 9 10

IMDb: 7.8/10 (11,060 votes)

Filmen levde ikkje heilt opp til forventingane mine, som eg fekk etter å sjå den gode gjennomsnittskarakteren på IMDb.

Vurdering: 1 2 3 4 5 6 7 8 9 10

IMDb: 6.7/10 (14,782 votes)

Sidan eg tok meg tid til å finne ut så mykje som at dette var ein pokerfilm, har eg sett fram til å sjå den. Det er kanskje 2 år sidan, men eg har aldri gått så langt som å kjøpe denne, så det har teke si tid. Tingen med filmen er at den ikkje er så veldig mykje prega av lande stunder med pokerspeling, men meir bygd opp rundt ei historie om nokre som skal skaffe pengar til å kjøpe seg inn i eit stort spel.

Mel Gibson gjer ein fin jobb som Bret Maverick, og står som eit godt eksempel på kva rollar eg likar å sjå Mel Gibson i. Jodie Foster er ikkje favorittskodespelarinna mi, men som Mrs. Bransford er no nesten søt. Men så er jo Maverick over 10 år gammal.

Filmen er som ein westernkomedie skal vere, innhaldsrik på ulike karakterar, og elles full i fart og spenning.

Vurdering: 1 2 3 4 5 6 7 8 9 10

IMDb: 8.1/10 (2,301 votes)

- Mac… you ever been in love?
- No, I’ve been a bartender my whole life.

Dette var eigentleg ein treig westernfilm, der historie i seg sjølv verken er komplisert eller lang. Det er ingen problem å følge tården, og dette gjer den til deg likar å kalle ein avslappande film. Henry Fonda, som spelar den avslappa Wyatt Earp, gir meg assosiasjonar til John Cleese. Han har det same smilet, likevel om han ikkje er noko komikar.

Tema er ganske greitt, det handlar om kjærleik og hat, stort sett. Og kampen mellom det gode og onde. Likevel om ein ikjke får gå inn i hovudet på folk, er det enkelt å lese tankane deira, og veldig enkelt å sjå kven som er meint å vere smart eller dum. Wyatt Earp, viss bror blir drept i byrjinga, blir ikkje skjelven av kva som helst.

Som ei kort oppsummering: Ikkje den mest spennande westernfilmen, men Wyatt Earp er ein karakter som det går an å følge med på, og difor blir filmen heilt grei.

Vurdering: 1 2 3 4 5 6 7 8 9 10

IMDb: 6.5/10 (5,444 votes)

Opningen var skuffande kjedeleg og kravde to forsøk før eg kom vidare med filmen. Etter kvart steig kvaliteten, men nådde aldri eit skikkeleg klimaks. Det at filmen var basert på ei sann historie, som viste seg å ikkje vere sann likevel, hadde ingenting å sei for min del. Ein bra ting var at hovudpersonen ikkje var eit sippete mannfolk, men heller av den sterke, tause typen. Også morsomt å sjå J.K. Simmons i rollen som direktør i eit slags cowboy vs. indianar sirkus. Spesielt etter å ha sett han som nynazist i “Oz” (1997) [TV-Series 1997-2003].

Vurdering: 1 2 3 4 5 6 7 8 9 10