IMDb: 5.2/10 (16,001 votes)

Om nyversjonen av A Nightmare on Elm Street har fått pes, er det i grunn unødvendig. Eg har sett gjenoppstarten av den kjære franchisen som blei til på 1980-talet, og som har husa ein av dei grusomaste filmskikkelsane siste 30 åra.

Ute er Robert Englund, og rolla som Freddy Krueger har blitt overteken av Jackie Earle Haley. Dei øvrige rollane er fylt av stjerner frå tv-seriar og mindre filmar. Borte er dei drygaste klovnefaktene frå tidlegare, men eg synst heller ikkje filmen tek seg sjølv for seriøst.

Stemninga er rett i tida: Mørk og dyster, med mørkeraudt blod og mangel pÃ¥ lys. A Nightmare on Elm Street siktar mot Ã¥ vere ein skikkeleg skrekkfilm, og klarar Ã¥ styre unna horrokomedie-fella. Her kan lite eller ingenting skuldast dumme ungdommar, for Freddy er bÃ¥de smart og har ein klar fordel framfor dei — han drep medan dei søv.

Den som held filmen tilbake er først og fremst uengasjerande ungdommar, desse er bÃ¥de for like kvarandre og ein bryr seg aldri om at dei dør. Ein fordel eg hadde var at eg kjente igjen fleire frÃ¥ tv-seriar, og soleis fekk nokre knaggar Ã¥ feste ansikta pÃ¥. I tillegg er ein nyversjon av ein sÃ¥ god film som A Nightmare on Elm Street frÃ¥ 1984 heller unødvendig for dei opplyste. Men eg unnar nye unge Ã¥ fÃ¥ ta del i kva Freddy Krueger er, og nyversjonen er greitt til dette formÃ¥let — og til inntening.

IMDb: 5.9/10 (25,098 votes)

Eit unødvendig åttande etterslep i rekka av «A Nightmare on Elm Street»-filmar, der Freddy får hjelp og motstand frå «Friday the 13th»-karakteren Jason. «Freddy vs. Jason» er intet meir enn ein rett fram slasherfilm utan djupare motivasjon innan karakterutvikling eller historie enn å få handlinga til å gå framover.

Reine slasherfilmar er ikkje mi greie, eg foretrekk horror framfor gore, «Freddy vs. Jason» er ikkje i nærheiten av å vere skummel og klarar berre få meg til å hoppe i stolen litt, noko ein komedie lett kan få til viss ein person brått hoppar on-screen. Regissør Ronny Yu har eg blanda forhold til, «Fearless» med Jet Li var storarta, men her har han bidratt til lite meir enn å få filmen til å sjå bra ut, det tekniske som lyd og bilde held høg standard, greie skodespelarar har blitt bra nok utnytta, men historien heng ikkje på greip.

Det største problemet eg har med denne er oppbygginga, her er det rett på sak frå starten av, noko som fører til at ein blir fort lei og spesielt kampane mellom Freddy og Jason er meiningslause når ein veit 5 sekundar ut i kvar av dei at det aldri vil føre til anna enn tapping av lommeboka til produsentane.

Så korleis forsvare femmaren? Freddy er verkeleg ond, Jason har eg ingen forhold til frå tidlegare filmar («Friday the 13th» er eit framtidsprosjekt) og framstår ikkje som anna enn ein bevegande bautastein, her er nokre skodespelarar eg ikkje nødvendigvis synst er dei beste, men likevel har eit forhold til gjennom tv og anna film og synst er artig nok å følge med, filmen lid aldri under av å sjå billeg ut heller. Slikt på plussida, og det andre på minussida, «Freddy vs. Jason» er eigentleg heilt midt på treet.

IMDb: 6.2/10 (9,013 votes)

Det er duka for den sjuende filmen i «A Nightmare on Elm Street» rekka. Wes Craven er tilbake etter stadig nedoverbakke for serien sidan han skreiv manus til den tredje filmen, «Dream Warriors». Med «New Nightmare» eig han ikkje berre registolen og skrivemaskina, han er også med i ei viktige rolle som seg sjølv. For «New Nightmare» er noko nytt når det kjem til «A Nightmare on Elm Street»-franchisen, Heather Langenkamp er ikkje Nancy og Robert Englund er ikkje Freddy, dei er seg sjølv, enn så lenge.

Det har gått ti år sidan den første «A Nightmare on Elm Street» og tre år sidan Freddy blei drept for godt. Du ler kanskje litt der, korleis kan Freddy forbli død? For å gjere saken meir interessant kan me heller stille oss spørsmålet korleis Freddy igjen kan bli levande. Men Heather spelar altså Heather, gift og med eit barn, me trår inn i livet hennar i ein periode der boligområde med omegn er prega av mange mindre jordskjelv, i tillegg har Heather hatt eit problem med telefonterror.

Etter kvart fÃ¥r me vite at Wes Craven jobbar med ein ny «A Nightmare on Elm Street» film. Fyren Heather er i kontakt med gjennom New Line Cinema seier at nye mareritt har fÃ¥tt Craven til Ã¥ ta dette vedtaket … «og fansen vil alltid ha meir». Med denne grunngjevinga rullar hjula.

Eg skal ikkje røpe meir av handlinga, som til fin forandring er både smart og litt spennande. At me får møte skodespelarane frå den opprinnelege filmen som seg sjølve gir dette ein ny dimensjon, blandinga mellom draum og verkelegheit får ein porsjon ekte verkelegheit inn i seg, tilsynelatande, det er jo på ingen måte ekte ekte. Craven har med innfallsvinkelen og ikkje minst bruken av ein talentfull barneskodespelar som Heathers son, skapt ein skrekkfilm med sjølvinnsikt og eg ser tydeleg skilt som peikar vegen til «Scream».

«New Nightmare» er ikkje så drøy på Freddy-karakteren og framstår som ein mykje reinare film, tross mengder blod, det ungdommelege preget er borte og det er meir trykk på mystery/thriller enn horror. Sjølv om det er litt dafft innimellom er dette i heilheit ein av dei i serien eg har satt mest pris på til no, den skiller seg godt ut som eige arbeid, om kanskje endå meir for fansen enn tidlegare, likevel annleis nok til å ikkje stemplast som «nok ein oppfølgar».

IMDb: 4.4/10 (8,052 votes)

Sjette film i «A Nightmare on Elm Street»-franchisen.

Ho ho, dette heng ikkje på greip, seriens hittil dårlegaste startar med frisk blod, ingen direkte bånd er å finne til dei tidlegare filmane, om ein ser bort i frå Freddy då. Robert Englund har fått lov til å stå øverst på rollelista dei siste tre filmane eller så, han er utan tvil dei einaste skodespelaren som gjer seg verdig til tittelen skodespelar her.

Me får vite; at alle barna i Springwood er døde, utanom ein, han vaknar opp utan å hugse noko i ein av nabobyane og trekk med seg nye folk inn i marerittland. I løpet av filmen utforskast det tidlegare familielivet til Freddy nærmare, me får sjå Englund for første gong utan brannsåra i ansiktet og oppleve han som ein sann psykopat i tillegg til draumemonster. Denne sida ved filmen er saman med ein 10-sekundars cameo av Johnny Depp med på å trekke dette opp til å bli akkurat så dårleg at eg verken kjedar meg eller gledar meg.

Det er veldig lite som er verdt Ã¥ nemne om «Freddy’s Dead», det tok ein time før historien fekk eit lite fotfeste som i heile tatt forklarar kvifor dette er ein film og ikkje berre ein kompilasjon av ubrukt materiale frÃ¥ avlyste «A Nightmare on Elm Street»-prosjekt. Eg ser likevel fram til den neste i rekka, dÃ¥ Wes Craven er tilbake bÃ¥de som manusforfattar og regissør der.

IMDb: 4.6/10 (6,563 votes)

Femte film. Alice frå forrige, «The Dream Master», blir smelt på tjukka og gjennom den verste skremselspropagande mot tenåringsgraviditet og teikneserie (av alle ting) dukkar Freddy opp. Tidlegare i serien har me fått vite litt om Amanda Kreuger, nonna som fødde Freddy, «The Dream Child» går meir grafisk til verks og me blir vitne til at Freddy blir gjenfødt på same måte som hans ekte fødsel, gjennom draumane til det Alices ufødde barn.

Det heng ikkje på greip, på ein god måte, starten av filmen er relativt god og hastar ikkje med eksponering av Freddys herjingar. Gradvis blir me kjent med flate og usympatiske karakterar, den anonyme Alice i fronten kjenner me litt frå før, ved sidan av opptrappinga til den uungåelege sluttmøtet. Folk vil dø undervegs, ingen vil tru på dei involverte, i blant kan eg ikkje unngå å bli irritert på dette, ettersom det har skjedd i kvar einaste film hittil.

Tross ei nemneverdig oppbygging, billege kulissar som osar av sjarm, litt meir forseggjorte som trapperommet der opp og ned ikkje eksisterar (du veit, slike rom der alle går på kryss og tvers), pluss klapp på skuldra til «Take on me»-musikkvideoen til A-ha med blanding av teikneserie og realitet, «The Dream Child» har ei uengasjerande historie, gjer for lite ut av kvart enkelt stadie, irriterar litt for mykje med karakterar som aldri lærer av feila sine og har seriens hittil svakaste Freddyportrett.

IMDb: 5.1/10 (8,241 votes)

Ein nedtur frÃ¥ «Dream Warriors» var ikkje uforventa, Wes Craven er igjen utelatt og Tuesday Knight har erstatta Patricia Arquette som Kristen Parker. «The Dream Master» er seriens første skuffelse, ein liten sÃ¥dan, dÃ¥ den ikkje ligg spesielt langt unna «Freddy’s Revenge». Eg turde Ã¥ hÃ¥pe pÃ¥ betre etter «Dream Warriors».

Ei avkrefting sømmer seg først, eg mislikte ikkje denne filmen, den er eigentleg heilt grei, litt kjedeleg i blant, men på andre sider har den mange godbitar å dele. Den gapar over mykje handling, men kvantitet er ikkje kvalitet, eg saknar betre samanheng til hovudhistoria omkring Freddy Kreuger. Kristen Parker er med, men då berre i namnet, for med skodespelarbyte blir det som ein ny person. Skodespelet generelt er ganske håplaust her, det stinkar av mange scener, kven ein skal legge skulda på er vanskeleg å sei, det ser ut til å ha blitt inngått mange kompromiss i redigeringsrommet.

Freddy er tilbake, det overraska ingen. Korleis han har klart å karre seg tilbake blir kort og svakt fortalt, dette burde derimot ikkje bry nokon som har satt seg for å sjå filmane, eg nemner det berre i forbifarten. Freddy er og blir eit monster, han går kanskje litt for langt i å nyte ondskapen sin her, men igjen er det vanskeleg å klage når dette godt kan vere filmens intensjon, for det går jo heilt greitt ned.

Bortsett frå nokre kjedelege augeblikk og dårlege skodespelarar er dette ein grei film, den har sine glimrande lyspunkt, eg har nemnt min elsk for utprega spesialeffektar i 1980-tals skrekkfilmar, men er også herleg grotesk som er lov til å like på film. Litt drøy på «det kule» frå 1980-talet er den også, men det er gøy! Humor er det flust av, ønska eller uønska.

Litt i overkant av det negative her i innlegget, eg ser det sjølv, i «A Nightmare on Elm Street»-samanheng er dette derimot ein heilt grei film.

IMDb: 6.1/10 (10,663 votes)

«Freddy’s Revenge» kom altfor fort, Ã¥ret etter «A Nightmare on Elm Street», med «Dream Warriors» har det blitt tid til Ã¥ skrive eit betre manus, av Wes Craven, og pÃ¥ skodespelarsida er det igjen namn verdt Ã¥ nemne.

Wes Craven har ikkje tatt på seg å regissere «Dream Warriors», som hentar tilbake Nancy seks år etter historien i første film tok plass. Ungdommar har nok ein gong fått eit felles mareritt om stygge Freddy, med Patricia Arquette som viktigaste ungdom i trøbbel blir me flytta til eit sinnsjukehus der Nancy nyleg har blitt henta inn som hjelp ettersom ho etterkvart har spesialisert seg på draumar i psykologibransjen.

I «Dream Warriors», ein tittel som blir vist i den mest funky grønfargen over skjermen innleiingsvis, kudos til dei som har fiksa det, er teamarbeid i kampen mot Freddy — som aldri ser ut til Ã¥ forsvinne — det viktige. Filmen bygg vidare pÃ¥ bakgrunnshistoria den gjekk innpÃ¥ i første filmen, noko som med stabilt manus bidreg til ein god filmopplevelse og interessant karakterskaping av Freddy. Men det er endÃ¥ meir Ã¥ hente her merkar eg. Igjen er ting blitt gøy, effektane er storvegs — mykje stop motion her — og stemninga er guffen. Spesielt ei scene der musklar blir revne ut og brukt som trÃ¥dar til Ã¥ styre personen i eit dukketeater, dette var grøss Ã¥ sjÃ¥ pÃ¥.

Eg føyer meg ikkje for andres press angåande mine eigne karaktervurderingar, iallfall ikkje ofte, grunnen til at eg i denne stund gir denne ein sjuar og hevar «A Nightmare on Elm Street» til 8 er fordi eg har funne meg meir til rette med desse filmane på vurderingsstigen min, som stadig byr på vanskar ettersom tal er tal og det er vanskeleg å sette tal på meiningane til ein film. Dette er ein god film, «A Nightmare on Elm Street» ligg over.

IMDb: 4.7/10 (9,632 votes)

Me skal tilbake til Elm Street, og faktisk også til huset der vår Nancy frå den første filmen budde. 5 år har gått sidan den gong og familien Walsh har nyleg flytta inn.

«Freddy’s Revenge» gÃ¥r rett pÃ¥ sak, sÃ¥ eg ser ingen grunn til ikkje Ã¥ gjere det same. Jesse Walsh, sonen i huset, opplever grusomme mareritt etter Ã¥ ha tatt over Nancy sitt gamle rom. Han blir offer for ein meir utspekulert Freddy som har planar Ã¥ la Jesse drepe for seg. I eit forrykande tempo i ein film som hoppar litt stakkato mellom eine natta til neste, der møta med Freddy og mareritt er det absolutt viktigaste, mistar dette den heilt store historia. Den første filmen var enkel pÃ¥ ein god mÃ¥te, denne blir meir simpel, med vekt pÃ¥ negative konnotasjonar.

Dette sagt, «Freddy’s Revenge» er ein overkommeleg film, eg kjedar meg strengt tatt aldri, den klarar Ã¥ presse inne masse god guffe, sjølv om det aldri blir skummelt. Humoren er ikkje sÃ¥ spiss som i forrige, og saman med gode rollefigurarar er det dette eg saknar mest. Den manglar nokre forklaringar undervegs som bidreg til den ujamne flyten, pÃ¥ ei anna side gÃ¥r ein ikkje glipp av dei viktigaste informasjonsbitane.

På eit lågare nivå har filmen mykje for seg, vil du ikkje bli prega av mitt syn på karakterane FØR du ser filmen (du får garantert med deg dette undervegs), så anbefalar eg deg å hoppe over neste avsnitt.

Starta ein å sjå på Jesse som ein skaphomofil som slit veldig med seg sjølv og let den onde Freddy vere det som straffar han undervegs er dette faktisk mogleg å tillegge mykje meining. Filmen er veldig suspekt, i mangel på eit betre ord, frå tidleg stadie, dette er enkelt å legge merke til. Mange sekvensar undervegs er med på å støtte opp rundt dette, ei ganske drøy S&M scene med gymlæraren i dusjen f.eks.

Skal eg trekke ein konklusjon pÃ¥ dette, og det vil eg, sÃ¥ er det at «Freddy’s Revenge» var betre enn forventa. Eg ligg nok over fleirtalet, IMDb-stemmer tatt i betrakning, og gir denne plussida av ein femmar.

IMDb: 7.3/10 (27,492 votes)

Eit felles mareritt dukkar opp i nabolaget, den første som får smake kniven er ei tenåringsjente som nyleg har hatt sex før ekteskapet, ganske typisk, på ein morosam måte. At ho drøymer å bli drept er ingen hindring for at drapet faktisk skjer. Vennene som også har drøymt om den skumle mannen med det brente ansiktet og fire knivblad i hansken, den etterkvart legendariske Freddy Kreuger, blir sjølvsagt ikkje trudd når politiet blir satt på saken.

Eg har altså gitt meg i gong med «A Nightmare on Elm Street», då meinar eg heile filmserien, denne filmen frå 1984 har fått sju oppfølgarar om ein skal rekne med «Freddy vs. Jason».

Wes Craven sin tenåringsgrøssar har ein del for seg, det er Johnny Depp sin debutfilm og han har ei ganske viktig birolle i filmen, den som får mest tid etter Heather Langenkamp som Nancy i hovudrollen ved sidan av Robert Englund, som spelar det skumle beistet av eit «menneske», Freddy, som på grunn av filmens blanding mellom draum og verkelegheit får fantasifullt spelerom til å utføre dei mest bestialske drapa.

«A Nightmare on Elm Street» har det meste på plass, karakterar som glir fint inn i handlinga, monstermenneske av ein drapsmann, fin balanse mellom verkelegheit og overnaturlege element, ei oppbygging som passar godt til sjangeren og nok blod. Den blir for min del aldri skummel, morosam på ein pervers måte er den derimot ofte, eg synst det var ganske underhaldande.