15 episodar.

«Weeds» er fin underholdning, ei blanding av god humor og provokasjonar. I tredje sesong er det kristenfundamentalistar med dobbeltmoral som får mest kritikk, men «Weeds» har meir på hjarte enn berre å kritisere denne gruppa, konstruktiv kritikk til pornobransjen blant anna.

Eg har aldri vore kjempestor fan av serien, men eg synst den likevel er god nok til å bruke tid på i blant, det er uansett ikkje snakk om mange eller lange episodar. Her betalte det seg med blant anna favorittkarakteren min, Doug, sine mange collegeaktige spøkar. Den frikast i minne er banjospeling til snakking tunger (dei kristne igjen!).

Rykta seier at Showtime vil fortsette å bestille inn «Weeds», ein fjerde sesong vil/kan altså dukke opp. Eg seier ikkje nei takk til det når den tid kjem.

12 episodar.

Jointane rullar vidare og det blir meir grenseforskyvingar i banning, eksplisitte scener og drøye argument i den andre sesongen av «Weeds», Showtime sin marihuanavariant av ein forstadskomedie.

Eg uttrykkte ikkje den største begeistringa for forrige sesong, mest på grunn av det låge tempoet serien holdt. Men med ny sesong kjem nye moglegheiter. Andre runde er eit eksempel på korleis betal-tv i USA kan nyte av å sjokkere og spe på med all den ordbruk som måtte passe. Eg mistenker serien for å legge litt for mykje vekt på nettopp å sjokkere til tider. Underholdningsverdien blir uansett så stor at eg ikkje kjem unna at dette no er utruleg festleg, når så mykje meir skjer over heile linja enn det gjorde i første sesong.

Enten det er mi glede for grov humor og å sjå vaksne folk oppføre seg som barn, eller at Showtime verkeleg har eit godt grunnlag her, sympatiseringa med ei mor som langar og dyrkar marihuana blir god tv. Noko fleire enn meg må synast, ettersom det er planar om ein tredje runde.

10 episodar.

Ein morosam ide, å legge serien til ein roleg forstad i USA, og gi ei husmor rollen som langar av marijuana. Men personleg tykkte eg serien sitt tempo var for lågt, og den handla tross alt ikkje om så mykje anna enn ei dame som sel marijuana. Så serien kjem nok ikkje inn på topplista mi over komediar. Hamp fungerar gjerne som eit middel i highschool-filmar, men for ein heil serie?

Det ser ut til at serien blir fornya, og på grunn av sesongavslutninga her vil eg nok sjekke ut kva den andre sesongen vil by på, men eg ventar nok til den er fullført.