User Rating: 6.7/10 (2,026 votes)

«Kairo» er den japanske skrekkfilmen som årets Pulse var ein remake av. Oversatt betyr tittelen akkurat det same som sin fjerne amerikanske slektning, og er ein av dei få likheitene desse filmane deler. Den andre er raud ducttape, den tredje er… det stoppar vel eigentleg ved to, stort sett.

For å dra ei godt brukte frase, desse filmane er som sol og måne. Dei er vidt forskjellige på nesten alle område, og eg kan ikkje komme utanom å samanlikne. Det er dessutan ein god måte å trekke fram kva som er bra med «Kairo».

«Pulse» var ein film som febrilsk prøvde å leite etter ein form for logikk bak hendinga, den spelte på fancy effektar og digitalt bilde, brå sekvensar og nymotens teknologi. «Kairo» er langsom, og har ingen scener som gjer at eg bråskvett. Eg var derimot nære ved å ta meg ein pause for berre å gå rundt og hente meg inn igjen. Dette er typisk J-Horror der heile filmen er trykkande og nervepirrande, og det er jo det som er tingen med skrekkfilm! Her er ingen heltar som skal finne ei løysing. Ligg det kanskje meir i japanarane sin kultur å godta ting som dei er? Eg veit ikkje, men det virkar sånn, og det gjer seg godt på film.

Sarte sjeler bør halde seg unna, dette er eit drøss med grøss. Eg vart skremt.

Vurdering: 1 2 3 4 5 6 7 8 9 10