User Rating: 8.1/10 (27,210 votes)

Neil Gaiman er stor innan teikneseriebransjen, personleg har eg aldri fått satt meg inn i verken «The Sandman» eller den illustrerte bokversjonen av «Stardust». Reint faktisk var eg usikker omkring «Stardust» då den har blitt samanlikna med «The Princess Bride» - ein film eg reint faktisk fann slapp.

Men «Stardust» var god og klarar å spele på dei rette tangentane og gjer opp rekneskapet i fantasysjangeren for vedkommande etter «The Golden Compass» hamna midt på treet tidlegare denne månaden. Naturlegvis kan ikkje desse filmane samanliknast direkte, «Stardust» har hekser, prinsar, piratar og ein eventyrverden på andre sida av “muren”. «The Golden Compass» skal eigentleg vere ein meir alvorleg og uordniær affære, utan å gjere «Stardust» sine eventyrtrekk til eit minus.

Tristan (Charlie Cox) lovar jenta han elskar å hente ei fallen stjerne for å bevise kjærleiken, for å nå dit må han krysse eit hol i “muren” - som er inngongen til ei verd med hekser og prinsar som også skal ha tak i stjerna. Utan å rote det til har Matthew Vaughn med mannskap klart å skape eit eventyr med søt romantisk tone pluss dei rette dosane med alt det andre som skal til for å skape eit godt skue. Mange av skodespelarane er folk eg ikkje har den største kjennskapen til og skapar ei frisk innpakking av historia, dataanimasjon finst - heldigvis blir den ingen last.

Styrken bak filmen er nok at den vil fortelje ei fin historie, den klarar den godt utan å la dei brukte virkemidla ta over for seg.

Vurdering: 1 2 3 4 5 6 7 8 9 10