IMDb: 7.3/10 835,737 votes)

«Drag Me to Hell» er ein tur tilbake til ein sjanger fans av Sam Raimi kjenner han veldig godt frå med «Evil Dead»-serien. Det er skrekkfilm, men samtidig noko med forma som gjer det smått komisk, nok til at du ikkje slit ut stolen i mangel på original handling. Råvelde av djevelen er ingen ny ting. Samtidig er «Drag Me to Hell» eit meir seriøst forsøk på sjangeren enn «Evil Dead», utan at det gjer dei direkte samanliknbare. I blant blir den litt anonym og platt, men for det meste er filmen god på akkurat det den skal vere.

IMDb: 6.5/10 (126,464 votes)

Det er vanskeleg å halde augo unna ein film som «Spider-Man 3» på ei elles så kjedeleg flyreise. Forutan delen med Bruce Campbell som fransk restauranttilsett, som var meir morosam denne gongen (enn første gong eg såg filmen), er ikkje dette rare greiene.

Tobey Maguire er på kanten til flau å sjå på. Enkelte stader her er nok det meininga, med det forandrar ikkje mi meining særleg. Utan flotte kampscener i forrykande CG samt ei og anna morosam frase sit eg framleis med ein bismak i munnen etter å ha sett denne for andre gong. Eg saknar eit mål for filmen. Den virkar som fleire episodar frå ein tv-serie med påkosta budjsett.

IMDb: 6.8/10 (68,720 votes)

Tredje installasjon i edderkoppserien har rulla over storskjermen verda over no i sommar. Forventingane mine var høge til det som såg ut til å skulle bli den mørkaste hittil. Peter Parker får fleire slemmingar å sloss mot, og så må han ta eit solid oppgjer med seg sjølv undervegs óg.

Hadde ein renska vekk rundt 60% av filmen så hadde eg kunne sagt meg godt fornøgd med «Spider-Man 3». Første time var tilnærma bortkasta, for eg synst at Tobey Maguire gjorde ein tynn innsats her, men eg vil ikkje legge all skulda på han. Eg vil dessutan gi meg her, for eg klarar ikkje legge lok på skuffelsen av filmen som heilheit. Sjølv om enkeltdeler var vel så bra.

IMDb: 6.1/10 (9,107 votes)

På veggen bak meg har eg kanskje ein av tidenes råaste filmplakatar: «Army of Darkness» med Bruce Campbell iført motorsagprotese på armen. Øverst står det «From the director of Darkman». Etter eit år med påminnelsar om at eg ikkje har sett filmen, fann eg tida rett for å sjå «Darkman».

Sam Raimi er altså mannen bak dette, ei hemntokt med forskaren Peyton Westlake (Liam Neeson) bak spakane. Etter han blir forsøkt drept i laboratoriet sitt, kjem Peyton tilbake med svære brannskadar i ansiktet for å gjere opp for seg. Då er det kjekt at han forska på hud, og kan skape eigne masker.

Det er ei ganske så sprø jakt som vidare blir utført, med drøye actionsekvensar på rekke og rad. Sett med kritiske augo kan fleire av desse verke enkle i dag frå ein teknisk ståstad, men det gir meg gode assosiasjonar til tidlegare Raimi-produksjonar. Det blir tydeleggjerast at dette er film, og fiksjonsfaktumet blir flittig brukt for å bygge ut. Underholdningsverdien blir dermed høg.

Dramaet og ikkje minst følelsane kjem derimot ikkje så godt fram som eg skulle likt, dette er tross alt ei hemntokt. Avstanden til Peyton alias Darkman blir for stor. Eg skulle gjerne følt meir sympati for mannen for å fått meir ut av filmen. Men så lenge det ikkje blir oversympatisering så burde eg kanskje vere glad til?

IMDb: 7.8/10 (20,834 votes)

Då fekk eg sett siste filmen i trilogien, eller eigentleg andre, men sidan eg allereie har sett «Army of Darkness»…

Samanhengen mellom «The Evil Dead» og denne var litt vag, men koplinga til den tredje filmen var rimeleg tydeleg, og eg forstod litt meir omkring det med motorsaga og armen blant anna, for dei som har sett filmen så veit dei kva det er snakk om her.

Filmen er på lik linje med dei andre utruleg festleg, med masse humor, blodig humor. Bruce Campbell skuffar ikkje her heller, og eg begynnar å bli redd for den dagen då eg ikkje har igjen usette filmar med fyren.

IMDb: 7.4/10 (19,579 votes)

Sidan «Army of Darkness» var så underholdande som den var, så fann eg det like greitt å sjå korleis «Evil Dead» serien starta, og gav meg i gang med den første filmen.

Ash, dama og tre andre venner har fått tak i ei hytte på ein tilsynelatande øde plass. Dei reiser ut dit for å sjekke standen på ho, for å drikke og ha det gøy. Men det viser seg at hytta og skogen omkring er heimsøkt av menneskekjøttetande demonar. Skumle greier! I forhold til «Army of Darkness» så brukar denne faktisk litt tid på å komme i gang, og har ein oppbygging som er enklare å følge. Det er litt småknirking, hamring med dører og skumle lydar før det etter kvart bygger seg opp til å bli skikkeleg blodig. Faktisk noko av det blodigaste eg har sett på ei god stund! Eg fann meg sjølv i å sitje å sei usj og skjere grimasar av det, bra!

Bruce Campbell er ikkje blitt den hardbarka helten han var i «Army of Darkness», men er ganske normal i starten. Dei fæle episodane ser likevel ut til å prege han etter kvart, og det blir godt festleg å sjå han spele utover, spesielt mot Richard DeManincor — ser glimtet i auga på dei innimellom.

IMDb: 7.5/10 (28,446 votes)

Også kjent som «Evil Dead 3», regissert av Sam Raimi, og med Bruce Campbell som helt og hovudrolleinnehavar.

Med alt snakket om Bruce Campbell i det siste, der alt betyr at eg har sett han nemnt i 2-3 samanhengar i løpet av siste veka, gav meg lyst til å sjå ein ekte Bruce Campbell film. Som rimeleg fersk på område fann eg ut av ein «Evil Dead» film ville vere ein god plass å starte. Tidlegare har eg berre sett «Bubba Ho-tep» med Campbell i førarsetet, elles har han også dukka opp i ein del episodar av «Lois & Clark».

«Army of Darkness» er ein kjempefilm frå ende til annan, eg hadde aldri trudd det skulle vere så festleg å sjå ein mann med motorsag slakte ned skjelett, få alle dei ‘pene’ damene og slenge frå seg den eine cheezy kommentaren etter det andre. Men dette gav absolutt meirsmak til å sjå filmar av Sam Raimi eller med Bruce Campbell. Sistnemnte er min nye helt!

Det er mykje eg kunne nemnt som er artig, men det gjer seg best i samanhengen ved å så filmen. Referansar til «The Day the Earth Stood Still» og «Gulliver’s Travels» blir brukt på beste måte.

IMDb: 8.1/10 (13,554 votes)

Hugsar ikkje den første så godt, men har ei kjensle av at denne var betre. Tek seg spesielt bra opp mot slutten av filmen.